يــــــايــــمـــــــــ@

بسم الله الرحمن الرحيم

يايمه منتهي جيتك ــــــــــ وطالب منك الغفران

أقبل قاعة أقدامك ــــــــ وأغسلها بدمعاتي

يايمه كل مافيني يناديلك ــــــــ أنا ندمان

طلبتك قولي سامحتك ـــــــــ وردي لوجهي بسماتي

أنا أدري قلبك الطيب ـــــــ كسرته بصدمة النكران

غلطت وغلطتي هاذي ــــــ تعير كل غلطاتي

تشوفي الشيب يايمه ـــــــ ترى ماجى ونا فرحان

وربي إلي رفع ذاتك ـــــــــ وتزل للردى ذاتي

فقدت الراحه من بعدك ــــــــ فقدت الطيبه والتحنان

بدونك راحتي غايه ــــــ بيدينك هاذي راحتي

أنا بعدك ولاحاجه ــــــــ أنا بعدك ترى عميان

أشوف ولاأشوف إلي ــــــ يوريني مساراتي

أنا وسيد الشقا والهم ــــــ من بعدك غدينا إخوان

يجيبو هموم هالعالم ــــــ ويرميها بمتاهاتي

صدقتي يوم قلتي لي ـــــــ تدين اليوم بس تندان

رميتك في بداياتي ـــــــ ورموني في نهاياتي

أنامن شالك بيديه ــــــ ورماك بأسفل البركان

نخيتيني وطلبتيني ـــــــ ولاحصلتي نخواتي

مثل ماهنتي بعيوني ــــــ عليهم قلبي يمه هان

رموني بضعفهم فزعه ـــــ وأنا الدمعات فزعاتي

يايمه لاتظنيني ــــــ أنا من فعلهم زعلان

سوات فيك سويته ــــــــ وسوو في إسواتي

يايمه يله ضميني ـــــ ودفيني بهالأحضان

أنا أدري فيك مشتاقه ــــ وهمك بس ملاقاتي

يايمه حيل ضميني ــــــــ أبي أرتاح أنا تعبان

تعبت أهرب من ذنوبي ـــ أبيك آخر مسافاتي

أبسمع منك أي كلمه ــــ لصوتك مسمعي ولهان

أبسمع يمه بصوتك ـــــ أبذكر فيها نشواتي

أشوفك ساكته يمه ــــــ غفيتي ولاأنا غلطان

غفيتي يابعد عمري ــــ تعبتي من مواساتي

يايمه طالبك قومي ــــ إذا لي بعيونك شان

أشوف الموت بعيونك ــــ عساها تخيب هقواتي

تعالوا يابشر شوفو ــــــــ أنا محتار أنا تلفان

أنا أمي مدري وش فيها ـــــ أنا مدري أنا أحاتي

شو شنو أمي أنا ماتت ــــــ لا لا ترى غلطان

أنا أمي ماتخليني ـــــــ على حزني ووناتي

أنا أمي قلبها طيب ــــ ولايمكن تبكي إنسان

أنا أمي ماتبكيني ـــــ ولا تتمنى آهاتي

يايمه صح مامتي ــــ وصح الموت تو ماحان

إذا متي أنابعدك ـــــــ أبقضي وين ساعاتي

يايمه قومي يايمه ـــــــ وقولي الموت لا ماكان

أنا جيتك وأنا ناوي ــــــ أببدي فيك جناتي

تركتيني ومتي ليه ــــــ تركتيني وأنا غرقان

ولامسموح ياوليدي ـــــــــ ولاتعلنك لعناتي

أنا الجاني ونا المجني ـــــ وأنا المخطي ونا الندمان

ونا بيدي رميتك إيه ــــــ وبعثرته ملفاتي

وجيت من الهنا مفلس ــــــ وقلبي من الظنا خسران

تركتيني على ناري ـــــــــ أعذب فيك زلاتي

ولاني مرضي ربي ــــــــ ولاني تابع الشيطان

أنا بعدك ترىــــــــ مابين نهاياتي وبداياتي

يايمه منتهي جيتك ــــ وكلي مرتجي غفران

وشفت الناس تلعني ــــــــ وتحذرني من الآتي

أبيات أعجبتني عن الأم فنقلتها كما سمعتها

أتمنى تعجبكم

والله يخلي لنا أمهاتنا يارب ويجعلنا بارين فيهم